Hönnunarsafn Íslands býður upp á
skuggateiknismiðju í tilefni af Safnanótt föstudaginn 8 febrúar næstkomandi í
tengslum við sýninguna Safnið á röngunni með Einari Þorsteini
Hönnunarsafnið mun hleypa ljósahönnuðum frá
fyrirtækinu Myrkraverk inn í sýningarsalinn þar sem þeir umbreyta sýningunni í
spennandi skuggaspil. Mörg verka arkitektsins og hönnuðarins Einars Þorsteins
Ásgeirssonar (1942-2014) varpa frá sér flóknum og spennandi skuggum og ætla
systkinin og myndlistarmennirnir Baldur og Birna Björnsbörn að leiðbeina
þátttakendum inn í það spil.
Með teikniáhöld að vopni býðst gestum
að teikna upp skuggana og um leið kynnast formheimi Einars Þorsteins og
möguleikunum sem hann skilur eftir þó svo hann hafi kvatt þetta líf.
Boðið
verður upp á fjórar smiðjur á Safnanótt kl. 19:00, 20:00, 21:00 og 22:00. Frítt
inn frá 18 - 23.
Viðburðinn má nálgast á Facebook HÉR.