Tíska og skartgripahönnun frá Færeyjum, Grænlandi og Íslandi er í forgrunni á NORRÆNA TÍSKUTVÍÆRINGNUM sem haldinn er í fyrsta sinn dagana 19. mars - 5. apríl 2009.

Einn meginviðburður tvíæringsins er sýningin Frammi fyrir sköpunarkraftinum sem sýningarstjórinn Matthias Wagner K setti saman og birtir okkur rjóma vest-Norrænnar hönnunar og endurspeglar menningarlegan bakgrunn hönnuðanna. 

Hápunktur NORRÆNA TÍSKUTVÍÆRINGSINS er HönnunarMars. Þá mun Fatahönnunarfélag Íslands vera með dagskrá í Norræna húsinu þar sem áherslan er á það nýjasta í íslenskri fatahönnun.

Auk þessa eru fjölmargir viðburðir á glæsilegri dagskránni og má þar sérstaklega nefna ráðstefnuna Meðvituð um tískuna: Sjálfbærni í tískuiðnaðinum, málþing um endurskilgreiningu hins vest-Norræna sem vörumerkis og samvinnu norrænna hönnuða.

Fjöldi fyrirlestra verða opnir almenningi og meðal þeirra sem halda erindi eru Eva Kreuse stofnandi Copenhagen Fashion Week, Nauja Lynge grænlenskur hönnuður, GudrunogGudrun frá Færeyjum og Isaksen Design frá Grænlandi/Danmörku.

NORRÆNI TÍSKUTVÍÆRINGURINN er áfangastaður lærðra og leikna, menningarhátíð fyrir borgarbúa og gesti. Þetta er staður innblásturs og gagnrýnnar hugsunar.

Nánari upplýsingar um tvíæringinn og dagskrá hátíðarinnar má nálgast á vefsíðunni www.nordicfashionbiennale.com