Íslenska barnafatamerkið As We Grow var valið besta umhverfivæna fatamerkið af breska miðlinum Junior Magasine. Verðlaunin eru veitt árlega og er As We Grow í hópi flottra merkja sem hlutu verðlaun í ár. 


Hér er hægt að sjá alla tilnefnda.

„Okkur þykir einstaklega vænt um að fá Eco verðlaunin núna, erum búnar að leggja mikið á okkur í þessum efnum,“ segja eigendur As We Grow, þær Gréta Hlöðversdóttir,  framkvæmdastjóri og Guðrún Ragna Sigurjónsdóttir hönnuður merkisins.

Í umsögn dómnefndar segir meðal annars:
„Eitt af okkar uppáhalds barnafatamerkjum - náttúruleg efni og gæði setur þau á annan stall og sú staðreynd að fötin eru framleidd með mannúðleg sjónarmið að leiðarljósi gerir A We Grow að merki sem aðrir ættu að taka sér til fyrirmyndar.“
 
Barnafatamerkið As We Grow einblínir á umhverfisvæna fatahönnun þar sem vandað er til verka, bæði við val á efnum og framleiðsluháttum og meginfókus á tímalausar flíkur sem erfast á milli kynslóða. Merkið hlaut Hönnunarverðlaun Íslands 2016.
 
Fyrir frekari upplýsingar bendum við á heimasíðu As We Grow hér.