Hér handsala formenn félaganna samninginn á aðalfundi Hönnunarmiðstöðvar.
Ljósmynd: Rut Sigurðardóttir.
Samstarfssamningur milli félaga hönnuða og arkitekta við Hönnunarmiðstöð Íslands um framlag til uppbyggingar og reksturs miðstöðvarinnar var undirritaður á ársfundi Hönnunarmiðstöðvar þann 14. júní sl.
Umræður um slíkan saming hefur staðið í langan tíma enda er Hönnunarmiðstöð í eigu félaganna og tilvalinn vettvangur til að efla árangur og þjónustu og samtal við félagsmenn og samfélagið allt.
Félag vöru- og iðnhönnuða skrifuðu, fyrst allra aðildafélaga
Hönnunarmiðstöðvar Íslands, undir samninginn í desember 2017 og nú hafa hin félögin fetað í fótspor þeirra en alls eru það níu fagfélög sem standa á bak við Hönnunarmiðstöð. Þau eru:
-
Arkitektafélag Íslands
-
Fatahönnunarfélag Íslands
-
Félag húsgagna-og innanhússarkitekta
-
Félag íslenskra gullsmiða
-
Félag íslenskra landslagsarkitekta
-
Félag íslenskra teiknara
-
Félag vöru-og iðnhönnuða
-
Leirlistafélag Íslands
-
Texílfélagið
Markmið samningsins eru eftirfarandi:
1. Efla Hönnunarmiðstöð sem sameiginlegan vettvang hönnuða og arkitekta á Íslandi sem vinnur að framgangi og vexti greinanna í atvinnulífi, samfélagi og menningu
2. Styðja við og efla samtal á milli greina hönnunar og arkitektúrs við stjórnvöld og atvinnulíf
3. Efla þjónustu Hönnunarmiðstöðvar Íslands við eigendur sína (félögin), og vinna aðþví að samræma þjónustu og gæði sem félagar eiga kost á
4. Auka hagræði og samnýta fjármagn í ýmsum verkefnum á vegum Hönnunarmiðstöðvar og aðilarfélaganna
5. Með aðildargjaldi taka félögin þátt með beinum hætti í kostnaði við uppbyggingu og rekstur Hönnunarmiðstöðvar og staðfesta þar með mikilvægi hennar og virka hlutdeild.
Smelltu
hér til að skoða fleiri myndir á Facebook.
_
Ertu hönnuður eða arkitekt en átt eftir að skrá þig í aðildarfélag? Ef svo er þá getur þú skráð þig hér, sjá tengil hér fyrir neðan: