Kaffi Laugalækur leitar að spennandi hönnuðum, handverki, list og vönduðum vörum á jólamarkað Laugalækjar helgina 25-26. nóvember frá kl. 11 til 17.

Markaðurinn er haldinn í samstarfi við Frú Laugu, Pylsumeistarann og Ísbúðina í Laugalæk. Pop-up sölubásar eru í boði inni á kaffihúsinu eða útivið annan eða báða dagana gegn hóflegu gjaldi.

Salan er milliliðalaus en hægt er að taka kortagreiðslur í gegnum posa kaffihússins ef þess er óskað fyrirfram.



Í kynningu segir:

„Við höfum áður haft farandssölu með mjög góðum árangri og hverfismarkaðir Laugardals hafa verið mjög vel sóttir í gegnum árin. Vörumerkin á markaðnum verða kynntar á vefmiðlum okkar og í auglýsingum. Bændamarkaður verður í tjöldum hjá Frú Laugu, pop-up markaður í Kaffi Laugalæk og Pylsumeistarinn verður með jólavörur á tilboði. Það verður yndisleg jólastemning hjá okkur með lifandi tónlist, jólaglögg, jólamatseðil og stefnt er á að hafa myndatöku með jólasveini og jólatrésölu. Staðsetningin er frábær og næg bílastæði í nágrenninu.“

Áhugasamir hafið samband á kaffi@laekur.is. Vinsamlegast látið fylgja með mynd eða vefsíðu með upplýsingum um vöruna.

Fjöldi þátttakenda er takmarkaður við 15 innandyra í Kaffi Laugalæk fyrir utan útibása. Leiðandi aðilar hafa nú þegar staðfest þátttöku sína. Til greina kemur að hafa framhald allar helgar fram að jólum.