Hönnunarverslunin YPSILON býður gestum og gangandi að taka þátt í pingpong móti á Menningarnótt milli klukkan 16-18.

Sigurvegari mótsins fær veglegan glaðning frá versluninni! YPSILON límónaði verður í boði og hægt verður að næla sér í YPSILON lukkupoka.

YPSILON opnaði sitt fyrsta útibú í höfuðstöðvum Hönnunarmiðstöðvar að Aðalstræti 2 í sumar. Verslunin er rekin af fimm hönnuðum og einum myndlistarmanni.

Í versluninni er að finna fatnað og fylgihluti, tímarit, ilmi, myndlist og ýmislegt til að fegra heimilið. YPSILON er samvinnuverslun, fegurðarmusteri og skínandi geimskip í íslenskri hönnunarflóru.

Í YPSILON eru merkin, AND ANTI MATTER, USEE, HZERO, NEPTÚN, KOLBRUN, IIDEM, TANJA LEVÝ.

Viðburður á Facebook