Sérstök áhersla verður lögð á að styrkja viðburði sem tengjast Grandasvæðinu í ár.

Auglýst er eftir áhugasömum og frumlegum hugmyndasmiðum til þess að fylla inn í viðburðalandslag Menningarnætur 2016, en hún verður haldin í 21. sinn þann 20. ágúst næstkomandi.

Í kynningu segir: „Menningarnótt er miðborgarhátíð í orðsis fyllstu merkingu því sjaldan skreytist miðborgin okkar litríkar og skemmtilegri skrúða en akkúrat þennan dag.

Menningarnótt er þátttökuhátíð sem allir borgarbúar skapa og upplifa saman, úti á torgum og götum miðborgarinnar, í bakgörðum eða söfnum, kirkjum og kaffihúsum, verslunum og fyrirtækjum og ekki síst í húsunum í bænum.“
 
Í ár verður áhersla lögð á að styrkja viðburði sem tengjast Grandasvæðinu við Gömlu höfnina með einhverjum hætti. Tengingin er þó ekki skilyrði fyrir styrkveitingu og er tekið vel á móti öllum umsóknum.

Umsóknarfrestur í Menningarnætupottinn er til og með 31. maí á vefnum menningarnott.is. Veittir verða styrkir á bilinu 50.000-250.000 kr. til einstaklinga og hópa.  

Menningarnæturpotturinn er samstarfsverkefni Höfuðborgarstofu og Landsbankans sem verið hefur máttarstólpi hátíðarinnar frá upphafi. Rennur allur fjárstuðningur bankans til listamanna sem koma fram á Menningarnótt.

Nánari upplýsingar um styrki hátíðarinnar veitir verkefnastjóri viðburða á Höfuðborgarstofu, Guðmundur Birgir Halldórsson í síma 590-1500 eða á gudmundur@visitreykjavik.is