Cycle listahátíð verður haldin í fyrsta skipti í sumar, dagana 13. til 16. ágúst 2015, í Kópavogi.

Hátíðin leiðir saman bæði stórstjörnur úr listaheiminum eins og Ólaf Elíasson, Gjörningaklúbbinn og Simon Steen-Andersen og rísandi stjörnur eins og Eyvind Gulbrandsen, strengjasveitina Skark og slagverkstríóið Pinquins. 

Á hátíðinni verður boðið upp á tækifæri til að kanna samruna og samskeyti listformanna, þar sem verkefnin á hátíðinni teygja anga sína út fyrir hið hefðbundna form. Alþjóðlegt listafólk sem allt getur talist frumkvöðlar á sviði nýrrar tónlistar, gjörningalistar,myndlistar, hljóðlistar og arkitektúrs kemur fram á hátíðinni og vinnur saman að listsköpun sem hverfist þó alltaf um tónlist.

Dagskrá hátíðarinnar samanstendur af tónleikum, gjörningum, listasýningu, listakvikmyndasýningum, vinnustofum og málþingum. Dagskrá hátíðarinnar má finna á heimasíðu hátíðarinnar og hana er hægt að hlaða niður sem einnar blaðsíðu PDF skjali HÉR.


Cycle á Facebook
Cycle á Twitter
Cycle á Instagram