Sigga Heimis og Studio Granda hlutu menningarverðlaun DV fyrir hönnun og arkitektúr árið 2014. Þetta er í 36. skipti sem verðlaunin eru afhent, en þau eru veitt árlega fyrir framúrskarandi árangur á listasviðinu.

Verðlaunin voru veitt í níu flokkum; bókmenntum, fræðum, byggingarlist, danslist, hönnun, kvikmyndalist, leiklist, myndlist og tónlist.

Þar að auki var tilkynnt um sigurvegara úr netkosningu dv.is, en sigurvegarinn hlaut lesendaverðlaun DV, og forseti Íslands afhenti árleg heiðursverðlaun, en þau hlaut Guðrún Helgadóttir, barnabókahöfundur.

Velunnari verðlaunanna var Syrusson hönnunarhús.



Verðlaunahafar samankomnir fyrir utan Iðnó að athöfn lokinni.


Eftirfarandi er listi yfir verðlaunahafana.

Hönnun:
Sigga Heimis

Formaður dómnefndar: Tinni Sveinsson

Arkitektúr:
Studio Granda fyrir Hverfisgötu 71a

Formaður dómnefndar: Hildur Gunnlaugsdóttir

Bókmenntir:
Guðrún Eva Mínervudóttir fyrir skáldsöguna Englaryk

Formaður dómnefndar: Maríanna Clara Lúthersdóttir

Myndlist:
Hreinn Friðfinnsson

Formaður dómnefndar: Jón Proppé

Kvikmyndir:
Salóme, heimildarmynd eftir Yrsu Rocu Fannberg

Formaður dómnefndar: Vera Sölvadóttir

Tónlist:
Eistnaflug

Formaður dómnefndar: Gunnar Lárus Hjálmarsson

Fræði:
Ofbeldi á heimili – Með augum barna í ritstjórn Guðrúnar Kristinsdóttur

Formaður dómnefndar: Árni Matthíasson.

Leiklist
Marta Nordal Fyrir leikstjórn sína á Ofsa eftir sögu Einars Kárasonar.

Formaður dómnefndar: Silja Aðalsteinsdóttir

Danslist:
Ásrún Magnúsdóttir fyrir Church of Dance, frumsýnt á Reykjavík Dance Festival

Formaður dómnefndar: Karen María Jónsdóttir

Lesendaverðlaun dv.is
Enginn dans við Ufsaklett eftir Elísabetu Kristínu Jökulsdóttur

Heildarfjöldi atkvæða: 709.

Heiðursverðlaun DV
Guðrún Helgadóttir

Lestu um allar tilnefningar til verðlaunanna hér og hér.