Or Type opnar nýjan vef miðvikudaginn 21. janúar kl.20 í Mengi, Óðinsgötu 2.

Or Type er fyrsta og eina sérhæfða leturútgáfa Íslands. Hún var formlega opnuð með sýningu á HönnunarMars 2013, en það eru Guðmundur Úlfarsson og Mads Freund Brunse sem standa á bakvið útgáfuna. Or Type selur letur eingöngu í gegnum netið en heimasíðan var forrituð og unnin í samvinnu við Owen Hoskins.

Í tilefni af opnunni er efnt til teitis í Mengi, í tilkynningu segir:
„Komið og prófið, spjallið, hlustið á ljúfa tóna í boði Dj Óla Dóra og njótið fljótandi veitinga.“

Hér má finna viðburðinn á Facebook.

Or Type vakti mikla athygli á seinni hluta síðasta árs þar sem letur útgáfunnar voru notuð meðal annars í tímaritunum New York Times Magazine, The Wire og í heildarútliti kvikmyndahátíðarinnar Sundance.  

www.ortype.is