Mynd: Saga Sig
Ný skartgripalína Orra Finn, Flétta, verður frumsýnd fimmtudaginn 11. desember í formi ljósmyndaseríu eftir Sögu Sigurðardóttur. Að sögn Helgu Guðrúnar Friðriksdóttur og Orra Finnbogasonar, sem eru teymið á bakvið Orra Finn, hafa fléttur fylgt mannfólki frá örófi alda og eru oftast tengdar minningum og varðveislu um kærleik eða sambönd. Skartgripir frá Orra Finn eru nú fáanlegir í einni verslun í Kaupmannahöfn og einni í Los Angeles.
Orri er útskrifaður gullsmiður frá Iðnskólanum í Reykjavík en sérhæfði sig í demantísetningu í New York, og Helga hefur unnið í hönnunargeiranum í mörg ár. Fyrirtæki þeirra, OrriFinn, hefur verið starfrækt síðan 2011 en þau hófu samstarf árið 2012.
Mynd: Saga Sig
Orri Finn á Facebook.