Sunnudaginn, 30. nóvember kl. 14.00 mun Halla Bogadóttir, fyrrverandi formaður Félags íslenskra gullsmiða leiða spjall með Dóru Jónsdóttur og Örnu Arnarsdóttur, gullsmiðum, en allar hafa þær gegnt formannsstöðu við félagið. Á sunnudaginn verður lögð áhersla á að segja frá félaginu og gildi þess að halda afmælissýningar líkt og Prýði.

Á sýningunni eru gripir eftir 40 gullsmiði sem voru gefnar frjálsar hendur að smíða fyrir sýninguna eða velja úr eigin safni. Gullsmiðirnir eru á ólíkum aldri, þeir sem unnið hafa við fagið í áratugi og byggt upp atvinnurekstur og tekið til sín lærlinga, svo og yngra fólk sem sýnir við hlið meistara sinna og hefur á síðustu árum skapað sér nafn og sérstöðu með þátttöku í fjölda sýninga og rekstri vinnustofa eða verslana.

Gullsmiðirnir sem gengið verður með að þessu sinni eru:

Dóra G.Jónsdóttir, í Gullkistunni, er heiðursfélagi Félags íslenskra gullsmiða. Hún var fyrsti kvenformaður Félags íslenskra gullsmiða. Hún hefur unnið mikið með búningasilfur og víravirki og er hafsjór af fróðleik um íslenska gullsmíði.

Arna Arnarsdóttir er núverandi formaður Félags íslenskra gullsmiða.



Safnið er opið um helgina frá kl. 12-17.

www.honnunarsafn.is