Mynd: Super K Sonic BOOOOUM 2 Gold, innsetning eftir Nelly Ben Hayoun.

Nelly Ben Hayoun hefur verið nefnd “Willy Wonka hönnunar og vísinda”. Hún er upplifunarhönnuður og þúsundþjalasmiður sem vinnur með vísindamönnum, verkfræðingum og listamönnum og hefur unnið til fjölda verðlauna fyrir verk sín. Hún er einn af gestum alþjóðlegu ráðstefnunnar You are in Control sem haldin er í sjöunda sinn dagana 3. og 4.nóvember í Bíó Paradís.

Sem fyrr mætast á ráðstefnunni skapandi greinar; hönnun, tónlist, bókmenntir, tölvutækni, leiklist, kvikmyndagerð og myndlist. Þemað í ár er Skapandi samsláttur (e. Creative Synergy), þar sem áhersla er lögð á verkefni og skapandi fólk sem vinnur þvert á eða milli listgreina og rýnt í hvaða nýju tækifæri er að finna í þessum samslætti.



Meðal fyrirlesara sem hafa staðfest komu sína eru: Christine Boland, hún er sannkallaður alkemisti og er fræg fyrir svokallað “Trend Forecasting” á sviði tísku, hönnunar og neyslumynstri. Bandaríski tónlistarmaðurinn Zebra Katz sem hefur fengið verðskuldaða athygli fyrir að vinna þvert á listgreinar í tónlist sinni. Hann kemur einnig fram á Iceland Airwaves hátíðinni í ár. Vala Halldórsdóttir, aðalritstjóri QuizUp, frumkvöðull og leikstjóri. Edward Nawotka, ritstjóri og stofnandi Publishing Perspectives sem er leiðandi nettímarit um útgáfumál og hefur verið nefnt “BBC bókaheimsins”. Nelly Ben Hayoun upplifunarhönnuður og þúsundþjalasmiður sem vinnur með vísindamönnum, verkfræðingum og listamönnum og hefur unnið til fjölda verðlauna fyrir verk sín. Hún er stjórnandi The International Space Orchestra og vinnur m.a. með NASA, The SETI Institute og WeTransfer. Fleiri gestir verða tilkynntir þriðjudaginn 28. október.


Nelly Ben Hayoun, Edward Nawotka, Christine Boland, Zebra Katz og Vala Halldórsdóttir

Fyrir utan glæsilega og vandaða dagskrá með fyrirlesurum bíður YAIC upp á fjölmargar vinnustofur og uppákomur tengdum þema ársins í ár. Vinnustofurnarnar eru undir forsjá og beintengdar hverri miðstöð fyrir sig og gerast víðsvegar um bæinn.  

Nánari upplýsingar um fyrirlesara og fjölmargar vinnustofur ráðstefnunnar má finna á www.youareincontrol.is  

YAIC á Facebook

Um You Are In Control
Ráðstefnan er ein sinnar tegundar, hana sækja listamenn og skapandi frumkvöðlar í bland við erlenda gesti og þátttakendur á heimsmælikvarða. Fyrirlestrar, skemmtilegar vinnustofur, pallborðsumræður og lokapartý sem enginn mun gleyma.

Miðakaup fara fram á youareincontrol.is/register-now

You Are In Control er framleidd af Íslandsstofu í samstarfi við miðstöðvar skapandi greina: Útflutningsskrifstofu íslenskrar tónlistar (ÚTÓN),Kynningarmiðstöð íslenskrar myndlistar, Kvikmyndamiðstöð Íslands, Hönnunarmiðstöð Íslands, Samtök íslenskra leikjaframleiðanda, Miðstöð íslenskra bókmennta, Leiklistasamband Íslands og Íslensku tónverkamiðstöðina.