Út er komið skýrt og aðgengilegt leiðbeiningarit um tollun frumgerða og sýnishorna. Hönnunarmiðstöð Íslands gefur leiðbeiningaritið út en verkefnið er unnið með stuðningi frá Atvinnuvega- og nýsköpunarráðuneyti í samstarfi við hönnunarfyrirtækin Farmers Market, KronKron, Tulipop, Igló, Ella, Freebird, Steinunn, Tollstjóraembættið og hraðflutningsfyrirtækin DHL, IceTransport, Express og TNT.

Verkefnið hófst árið 2011 með fundum Hönnunarmiðstöðvar Íslands, tollstjóraembættis, fjármála- og iðnaðarráðuneytis og umræðan því verið lengi í gangi.

Leiðbeiningarnar eru fyrir tollayfirvöld annars vegar og fyrir hönnuði hins vegar.Verkefnið var unnið í góðu samstarfi ofantaldra aðilla þess að greina mætti þau vandamál sem hönnuðir standa frammi fyrir í dag. Tilgangur verkefnisins er að útlista bestu lausn við tollun miðað við tollalögin í dag og finna leiðir sem væri hægt að vinna að til framtíðar með betri lausn í huga.

Soffía Theódóra Tryggvadóttir stýrði verkefninu fyrir hönd Hönnunarmiðstöðvar Íslands. Soffía er með meistaragráðu í stjórnun og stefnumótun frá Háskóla Íslands og stýrir veftímaritinu Nordic Style Magazine.

Hér má hlaða niður leiðbeiningaritinu.