Listaháskólinn mun, í samvinnu við fjölda háskólastofnana, þar á meðal HÍ, arkitektúrskólann í Bergen og Háskólafélag Suðurlands - ásamt Íslenska bænum, standa fyrir sumarskólanum: FYRND, MINNI(SLEYSI) OG ANARKÍA Í ARKITEKTÚR. Skólinn stendur yfir 9 - 20. júní nk. og verður haldinn í stórkostlegu umhverfi Íslenska bæjarins í Flóanum, sunnan við Selfoss.

Námsstig: BA/MA
Einingar: 10 ECTS- einnig er hægt að taka þátt í námskeiðinu án eininga
Tungumál: Enska/Íslenska
E-mail: sbh@hi.is, hildigunnurs@lhi.is

Í vinnustofu skólans munu þátttakendur kanna hefðir og hugmyndafræði sem tengjast sjálfbærni, byggingararfleifð og orkukerfum með leiðandi sérfræðingum og hugsuðum, innlendum og erlendum, en ekki síður njóta víðfeðms reynsluheims innlendra og erlendra samnema sinna úr ýmsum fræðagreinum.

Þátttakendur munu kynnast af eigin hendi náttúrulegum byggingarefnu, torfi, grjóti og leir og munum við kanna í sameiningu gæði og getu þeirra efna út frá víðari vistkerfum vatns, orku og jarðar. Þátttakendur fá tækifæri til að setja bakgrunn sinn og þekkingu í samhengi við viðfangsefni námskeiðsins, spyrja til og koma með tillögu að svörum um endurnýtingu og framtíðarsýnar um sjálfbærni á forsendum gagnrýninnar kenningar.

Gist verður m.a. í torfbæ, hópurinn dvelur saman og fer í könnunarleiðingra á svæðinu - og nýtur samtals við þekkta hugsuði á borð við arkitektinn Markus Miessen og Andra Snæ Magnason ásamt öðrum kennurum námskeiðsins.

Námið er metið til 10 ECTS eininga - en einnig er hægt að taka þátt án þessa að vera í háskólanámi.

Frekar upplýsingar á heimasíðu aaaa-workshop.hi.is, og á Facebook síðu námskeiðsins eða hjá Hildigunni Sverrisdóttur hildigunnurs@lhi.is