Hönnunarmiðstöð Íslands óskar eftir að ráða framsækinn og kraftmikinn einstakling í starf verkefnastjóra.Starfið er fjölþætt og verkefnastjóri stýrir ýmsum verkefnum og sinnir upplýsingagjöf, kynningarmálum og samskiptum. Verkefnastjóri ber ábyrgð á vefsíðu, með öflugri fréttaveitu.

Lykilverkefni verkefnastjóra eru:

• Vefumsjón, fréttir og fréttabréf, umsjón með samfélagsmiðlum
• PR - samskipti við fjölmiðla og fréttaflutningur
• Almenn skrifstofustörf, ráðgjöf og þjónusta, símsvörun og úrlausn mála
• Verkefnastjórnun, m.a. umsjón með fyrirlestraröð Hönnunarmiðstöðvar
• Verkefna- og styrkumsóknir á Íslandi og erlendis

Menntunar- og hæfniskröfur:

• Háskólamenntun sem nýtist í starfinu
• Góð þekking á hönnun og umhverfi hönnuða hvoru tveggja á Íslandi og erlendis
• Góð íslenskukunnátta skilyrði sem og færni í textaskrifum
• Góð enskukunnátta skilyrði, kunnátta í norðurlandamáli mikill kostur
• Þekking á vefumhverfi og samfélagsmiðlum, tölvu og tæknilæsi
• Sjálfstæði í vinnubröðgum og mikill áhugi á starfinu

Umsóknum eiga að fylgja ítarlegar starfsferilskrár og kynningarbréf þar sem gerð er grein fyrir ástæðu umsóknar og rökstuðningi fyrir hæfni viðkomandi í starfið. Starfsmaður hefur störf um miðjan ágúst. Umsóknarfrestur er til og með 26. maí 2014.

Umsjón með starfinu hefur Ragnheiður Dagsdóttir (ragnheidur.dagsdottir@capacent.is) hjá Capacent Ráðningum. Umsækjendur eru vinsamlegast beðnir að sækja um starfið á heimasíðu Capacent Ráðninga, www.capacent.is.

Um Hönnunarmiðstöð

Hönnunarmiðstöð Íslands er upplýsinga- og kynningarmiðstöð fyrir íslenska hönnun á Íslandi og erlendis. Meginhlutverk Hönnunarmiðstöðvar er að efla skilning þjóðarinnar á mikilvægi hönnunar fyrir samfélagið og íslenskt efnahagslíf og benda á þá miklu verðmætasköpun sem getur falist í íslenskri hönnun fyrir þjóðfélagið allt. Hönnunarmiðstöð stuðlar að framgangi íslenskra hönnuða erlendis.

Í Hönnunarmiðstöð starfa 4 starfsmenn auk tímabundinna strfsmanna. Hönnunarmiðstöð er rekin af metnaði. Lögð er áhersla á samvinnu, opin samskipti, frumkvæði og gott andrúmsloft.

Hönnunarmiðstöð Íslands er í eigu Arkitektafélags Íslands, Félags húsgagna- og innanhússarkitekta, Félags íslenskra landslagsarkitekta, Félags vöru- og iðnhönnuða, Leirlistafélags Íslands, Fatahönnunarfélags Íslands, Textílfélagsins, Félags íslenskra gullsmiða og Félags íslenskra teiknara. Hönnunarmiðstöð er rekin fyrir fjárframlög frá Mennta- og menningarmálaráðuneyti og Atvinnuvega- og nýsköpunarráðuneyti.