Á námskeiðinu verður fjallað um mikilvægi dagsbirtu í byggingum og vistvæna lýsingarhönnun. Farið verður yfir þróun byggingarlistar með tilliti til notkunar dagsbirtu og tækniframfara í lýsingu, áhrif birtuumhverfis á heilsu og vellíðan og fjallað um markvissar leiðir til þess að auka upplifun og gæði birtuumhverfis í byggingum og ytra umhverfi. Skoðaðir verða nýir staðlar og umhverfisvottanir og fjallað um sérstakar mælistikur fyrir mat á gæðum birtuumhverfis m.a. dagsbirtustuðul (daylight factor). Sérstök áhersla verður lögð á staðbundnar aðstæður hérlendis t.d. afstöðu til sólar, skuggavarp, ljósmengun o.fl.

Að námskeiði loknu mun þátttakandi hafa öðlast aukinn skilning á túlkun sjálfbærni við hönnun mannvirkja sem varðar birtuumhverfi. Þannig verður þátttakandi tilbúinn að meta áhrif dagsljóss sem og rafmagnsljóss hvað varðar rekstur bygginga, umhverfisáhrif, vinnuvernd, upplifun og vellíðan. Námskeiðið er haldið í samstarfi Rafiðnaðarskólans, AÍ og IÐUNNAR fræðsluseturs.

Kennarar: Anna Sigríður Jóhannsdóttir arkitekt og Kristín Ósk Þórðardóttir verkfræðingur

Staðsetning: Rafiðnaðarskólinn, Stórhöfða 27

Tími: 28. – 29. janúar 2013 kl. 16.00 – 20.00

Verð: 12.000 kr. en 4.000 kr. til félagsmanna AÍ, aðila Rafiðnaðarskólans og IÐUNNAR fræðsluseturs.

Skráning á raf.is og idan.is