Alþjóðlega ráðstefnan You Are In control verður haldin í Reykjavík í
fimmta sinn.
Alþjóðleg ráðstefna um stafræna miðlun skapandi greina.
Meðal fyrirlesara sem hafa staðfest komu sína eru listamaðurinn Tracey
Moberly og Roberta Lucca frá tölvuleikjafyrirtækinu Bossa Studios.
Alþjóðlega ráðstefnan You Are In Control verður haldin í Reykjavík í
fimmta sinn dagana 4. – 6. nóvember 2012 í Hörpu. Ráðstefnan tengir saman
aðila sem starfa í skapandi greinum með áhuga á stafrænni miðlun.
Ráðstefnan snertir allar hliðar skapandi greina, svo sem mat,
tölvutækni, bókmenntir, hönnun, tónlist, kvikmyndagerð, tölvuleikjagerð
og viðskipti í því skyni að kanna nýjustu strauma, áhugaverða skörun
greinanna, vandamál og úrlausnir.
Tekið verður á þýðingarmiklum en jafnframt faglegum málum með spurningum
á borð við: Frammi fyrir hvaða áskorunum stöndum við á næstu tíu árum?
Hver eru tækifærin? Hvernig geta þátttakendur You Are In Control 2012
hjálpað til við að leysa eða takast á við slík mál. Ráðstefnustjórinn í
ár er Remi Harris.
Á meðal fjölda virtra fyrirlesara og þátttakenda í ár er Tracey Moberly
sem mun fara yfir tech-art verkefnið sitt Text Me Up. Verkefnið er
samantekt á persónulegum sms sendingum, margar frá frömuðum innan
listheimsins, sem teknar hafa verið saman í bók sem er lýst sem
,,áhugaverðri nýtingu á nýrri samskiptatækni sem söguþræði, í anda verka
Andy Warhols þar sem hann vinnur með Polaroid myndir”
,,Ég er mjög ánægð með að hafa verið boðið að flytja erindi á You Are In
Control 2012 og hlakka mikið til að kynnast fjölbreytileika íslenskra
listamanna og skapandi fólks,” segir Tracy. ,,Þetta er fullkominn
vettvangur til að skoða hlutverk skapandi fólks þegar litið er á
áskoranir og tækifæri sem mannfólkið stendur frammi fyrir næstu tíu
árin. Ég mun ræða samspil umhverfis, fólksfjölgunar og persónuleika við
framþróun stafrænna samskipta og spyr um staðsetningu skapandi geirans
innan þess ferlis.”
Roberta Lucca mun einnig halda fyrirlestur á ráðstefnunni, hún kemur frá
Bossa Studios, Lucca mun tala um tvö lykilverkefni sem Bossa vinnur að
þessa dagana: það er Bafta verðlaunaverkefnið Monstermind
[http://apps.facebook.com/monstermind], sem er Facebook app sem leyfir
þátttakendum að byggja sinn eigin bæ með fyrirtækjum, heimilum og
borgurum. Leikurinn leyfir þér síðan að kaupa skrímsli til að eyðileggja
bæi Facebook vina þinna; Merlin The Game [www.merlingame.com], er
spennandi leikur byggður á vinsælli samnefndri sjónvarpsþáttaröð en
leikurinn verður gefin út í október á þessu ári.
Auk þess sem boðið verður upp á flotta dagskrá þá eiga þátttakendur
einnig von á hugmyndavinnustofum, frábærum veitingum og afburðartónlist
meðan á ráðstefnunni stendur.
Miðaverð
Miðaverð ef miði er keyptur fyrir 15. október kr. 20.000
Fullt miðaverð frá 16. október kr 30.000
Um You Are In Control:
You Are In Control er unnin í samstarfi við Íslandsstofu,
Útflutningsskrifstofu íslenskrar tónlistar, Kynningarmiðstöð íslenskrar
myndlistar, Kvikmyndamiðstöð, Samtök íslenskra leikjaframleiðanda,
Bókmenntasjóð, Leiklistasamband Íslands og Íslensku tónverkamiðstöðina.
Allar nánari upplýsingar veitir
Kristjana Rós Guðjohnsen, Íslandsstofa
Kristjana@islandsstofa.is
Tel (+354) 511 4000