Frestur til þess að sækja um þátttöku í Playtime vinnusmiðju KRADS Arkitekta í Helsinki 10. – 15. september 2012 hefur verið framlengdur til kl. 12:00, 17. ágúst.
Leitað er að tveimur MA nemendum í arkitektúr til að taka þátt í KRADS Playtime vinnusmiðju í Helsinki 10. – 15. september 2012.
Íslensk/danska arkitektastofan KRADS ásamt The Why Factory og LEGO munu mæta með 200.000 legókubba á hönnunarvikuna í Helsinki. Þau munu standa fyrir vinnusmiðju í the Cable Factory og með kubbana að vopni munu þátttakendur rannsaka ýmsar hliðar arkitektúrs og umbreyta the Cable Factory í vettvang lifandi og skapandi samstarfs.
Í vinnusmiðjunni verður áfram unnið með samhengi einka- og almennings rýma í gljúpum strúktúrum (porous structures). Þessar rannsóknir hófust á PLAYTIME vinnustofum KRADS og voru þróaðar áfram í samstarfi við KRADS í 6 mánaða langri vinnusmiðju, “Eurohigh”, á The Why Factory við Delft tækniháskólann í Hollandi.
Í tengslum við vinnusmiðjuna verða fyrirlestrar, umræður, viðburðir og fleira á dagskrá opinni almenningi.
Frekari upplýsingar um Playtime og Eurohigh, sjá hér og hér.
Frekari upplýsingar um The Why Factory, sjá: www.thewhyfactory.com/
Frekari upplýsingar um Helsinki Design Week, sjá www.helsinkidesignweek.com/
Vilt þú taka þátt?
- Að hverjum erum við að leita?
Umsækjendur skulu vera íslenskir nemendur í arkitektúr á Mastersstigi.
- Hvernig sæki ég um?
Sendið umsókn sem inniheldur:
- Umsóknarbréf: Af hverju viltu taka þátt?
- Ferilskrá
- Staðfestingu á skólavist (á Mastersstigi) í arkitektúr
Þátttakendum verður tryggt flug til og frá Helsinki ásamt gistingu á meðan vinnusmiðjunni stendur.
Sendið umsóknina með tölvupósti á info@honnunarmidstod.is með “KRADS umsókn” í titli tölvupóstsins.
Umsóknarfrestur er til kl 12:00 17. ágúst.
Fyrirspurnir má senda með tölvupósti á info@honnunarmidstod.is.
