Verkið Syllur eftir Guðlaugu er nytjaskúlptúr, sem er innblásinn af
umhverfi Hítarvatns í Hítardal og gömlu íslensku prjónamynstri.
CERCO er einn stærsti viðburður Spánar á sviði keramiklistar og er þetta
í 12. skipti sem hátíðin er haldin. Dómnefnd valdi 33 verk sem kepptu
til úrslita og var verk Guðlaugar þeirra á meðal. Verkið verður til
sýnis út alla hátíðina sem stendur til 22. júlí.
Guðlaug Geirsdóttir útskrifaðist úr mótunardeild Myndlistaskólans í
Reykjavík árið 2010, en áður hafði hún lokið námi í hönnun frá
Tækniskólanum. Guðlaug hélt einkasýninguna Fjallasýn í Handverki og
hönnun í fyrra, auk þess sem munir hennar voru til sýnis í Kraumi í
tengslum við Hönnunarmars.
Lesa má meira um tilnefningar og hátíðina
hér.