Hönnunarmiðstöð Íslands óskar eftir að ráða framsækinn og kraftmikinn einstakling í starf verkefnastjóra. Starfið er mjög fjölþætt en verkefnastjóri ber ábyrgð á að leysa úr fjölbreytilegum verkefnum sem upp koma í Hönnunarmiðstöð, s.s. upplýsingagjöf, kynningarmál og samskipti. Einnig ber verkefnastjórinn ábyrgð á að halda úti vefsíðu með öflugum gagnabanka og stjórnun ýmissa sérverkefna. Um framtíðarstarf er að ræða fyrir réttan einsstakling.
Lykilverkefni verkefnastjóra eru:
- Vefumsjón, fréttir og fréttabréf, umsjón með samfélagsmiðlum
- PR - samskipti við fjölmiðla og fréttaflutningur
- Almenn skrifstofustörf, ráðgjöf og þjónusta, símsvörun og úrlausn mála
- Verkefnastjórnun, m.a. umsjón með fyrirlestraröð Hönnunarmiðstöðvar
- Verkefna- og styrkumsóknir á Íslandi og erlendis
Menntunar- og hæfniskröfur:
- Háskólamenntun sem nýtist í starfinu
- Góð þekking á hönnun og umhverfi hönnuða hvoru tveggja á Íslandi og erlendis
- Góð íslenskukunnátta skilyrði sem og færni í textaskrifum
- Góð enskukunnátta skilyrði, kunnátta í norðurlandamáli mikill kostur
- Þekking á vefumhverfi og samfélagsmiðlum, tölvu og tæknilæsi
- Sjálfstæði í vinnubröðgum og mikill áhugi á starfinu
Umsjón með starfinu hefur Ragnheiður Dagsdóttir (
ragnheidur.dagsdottir@capacent.is) hjá Capacent Ráðningum.
Umsóknarfrestur er til og með 20 maí nk. Starfsmaður hefur störf um miðjan ágúst. Umsækjendur eru vinsamlegast beðnir að sækja um starfið á heimasíðu Capacent Ráðninga,
www.capacent.is. Umsóknum eiga að fylgja ítarlegar starfsferilskrár og kynningarbréf þar sem gerð er grein fyrir ástæðu umsóknar og rökstuðningi fyrir hæfni viðkomandi í starfið.
Hönnunarmiðstöð Íslands er kynningar- og upplýsingamiðstöð fyrir íslenska hönnun á Íslandi og erlendis. Meginhlutverk Hönnunarmiðstöðvar er að efla skilning þjóðarinnar á mikilvægi hönnunar fyrir samfélagið og íslenskt efnahagslíf og benda á þá miklu verðmætasköpun sem getur falist í hönnun fyrir þjóðfélagið allt. Hönnunarmiðstöð stuðlar að framgangi íslenskra hönnuða erlendis, enda eru þar stór tækifæri fyrir íslenska hönnun og framleiðsluvörur.