Þann 7. október nk. standa Hönnunarsafn Íslands og fræðslu- og menningarsvið Garðabæjar
fyrir námsstefnu, með finnska hönnuðinum Píu Holm. Pía hannar mynstur í textíl og
nefnir hún námsstefnuna NATURALLY HAPPY PATTERNS eða Náttúrulega hamingjusöm
mynstur.
Námsstefnan er haldin í tengslum við kynningu Hönnunarsafns Íslands á verkum Píu Holm í október og nóvember. Pía hefur m.a hannað fyrir Marimekko í Finnlandi, þekkt
hönnunarfyrirtæki í Svíþjóð og undir eigin merki
happydesign.fi Námsstefnan er ætluð fagfólki
og nemum í hönnun.
7. október hefst kynning í Hönnunarsafni Íslands á verkum hennar sem stendur fram í
nóvember.
UM HÖNNUÐINN:
Pía er sjálfstætt starfandi hönnuður, myndskreytir (illustrator) og áhugamaður um garðrækt.
Hún býr nú á eyju undan ströndum suður Finnlands. Pía er með meistaragráðu frá University
of Art and Design í Helsinki. Hún hefur stundað nám við Gerrit Rietvald Academie í Amsterdam
og HDK Högskolan för Design och Konsthantverk í Gautaborg.
Verk hennar hafa birst víða m.a. í þekktum tímaritum sem fjalla um hönnun.
Verkefnisstjóri námsstefnunnar er Árdís Olgeirsdóttir, fræðslu- og kynningarfulltrúi í Garðabæ.
ATH. Námsstefnan fer fram á ensku.
Takmarkaður fjöldi, 25 manns.
Námsstefnugjald: 6000 kr
Innifalið er: Allt efni, kaffi og hressing.
Vinsamlegast tilkynnið þátttöku með skráningu á:
ardisol@gardabaer.is
Dagskrá námsstefnunnar
Föstudagur 7. október frá kl: 8:30-16. Fyrirlestur og vinnusmiðja.
Fyrir hádegi:
Spjall hönnuðar: Pía heldur fyrirlestur um finnska textílhönnun og fer með þátttakendur í
sjónrænan leiðangur þar sem skoðað verður mynstur og prent innblásið af hugmyndum úr
náttúrunni og frá ýmsum heimshornum. Sérstök áhersla verður lögð á verk
Píu, myndskreytingar, áprentuð efni, aðferðir hennar og hugmyndavinnu.
Eftir hádegi:
Vinnusmiðja: Rannsóknir og tilraunir með form og mynstur. Hér gefst þátttakendum tækifæri til
að hanna eigin mynstur og prenta og vinna á faglegan hátt með þessum skemmtilega hönnuði.
Í lok dags fær hver og einn þátttakandi ráðleggingar út frá þeim hugmyndum sem þeir leggja fram.
Staðsetning: Hönnunarsafn Íslands á Garðatorgi
Tími: föstudagur 7. október, frá kl. 8:30 -16.
