Ingibjörg Gréta Gísladóttir ásamt fatahönnuðunum, fulltrúum þeirra og Sigurði B. Halldórssyni frá Samtökum Iðnaðarins

Reykjavik Runway kynnti á dögunum í Listasafni Reykjavíkur, þá fjóra fatahönnuði sem unnu sér sæti til úrslita í fatahönnunarkeppni Reykjavik Runway 2011.

Þau sem komust í úrslit voru:

• Eygló Margrét Lárusdóttir undir merkinu EYGLÓ
• Harpa Einarsdóttir undir merkinu ZISKA
• Rosa Winther Denison og Bryndís Þorsteinsdóttir undir merkinu ROSA-BRYNDIS
• Sólveig Ragna og Gunnhildur Edda Guðmundsdætur undir merkinu SHADOW CREATURES.

Fyrirkomulag keppninnar:
Keppendur hafa tvo mánuði til þess að vinna að vor/sumar fatalínu sinni 2012 og fá til þess 150.000 kr. í hvatningarlaun hver í boði Samtaka iðnaðarins. Í lok sumars verður haldin tískusýning þar sem hægt verður að sjá afrakstur hönnuðanna og sigurvegari valinn af dómnefnd skipuð af Fatahönnunarfélagi Íslands.

Sigurvegari hlýtur 500.000 kr. í verðlaunafé ásamt árssamningi við Reykjavík Runway. Reykjavik Runway er tískufyrirtæki sem vinnur með fatahönnuðum við að koma þeim á markað hérlendis jafnt sem erlendis.

Keppnin er unnin í samvinnu við Fatahönnunarfélag Íslands og Hugmyndahús háskólanna.

Frekari upplýsingar veitir Ingibjörg Gréta Gísladóttir 695-4048

reykjavikrunway.com