Bloggsíðan „The Creative Project“ hefur tekið saman lista yfir 16 flash síður sem þeim þykja skara fram úr á árinu 2010 og er vefsíðan Legends of Valhalla á þeim lista. Gagarín hannaði og forritaði vefinn á haustmánuðum en Legends of Valhalla – Thor er fyrsta íslenska þrívíddar teiknimyndin í fullri lengd og segir frá hinum unga járnsmið Þór og sögunni á bak við hvernig hann varð þrumuguð og verndari Ásgarðs. Myndin er fyrir börn og fullorðna á öllum aldri og verður frumsýnd á árinu 2011.

 

Þetta er ekki í fyrsta sinn sem vefurinn er til umfjöllunar í erlendum miðlum, The Specyboy Design Magazine valdi hann í vikulega úttekt sína á vel hönnuðum vefsíðum. Koflash Web Gallery, Bedesignful og Creattica hafa einnig birt vefinn.

 

Lesa grein The Creative Project

gagarin.is