Mánudagskvöldið 13. september munu bræðurnir Jón og Björn Kristinssynir kynna nýjung sem þeir hafa unnið að undanfarin ár.

Andandi gluggi er nýtt orkusparandi lofthreinsitæki fyrir íbúðir, skrifstofur, sjúkrastofur á spítölum og almenna vinnustaði. Tækið er árangur af tíu ára undirbúningi Jóns Kristinssonar, arkitekts í Hollandi. Björn Kristinsson verkfræðingur er prófessor emiritus við Háskóla Íslans úr Rafmagns- og tölvuverkfræðideild.

Varmaskiptirinn, ANDANDI GLUGGI, hefur þann tilgang að blása út CO2 menguðu innilofti, en CO2 er mælt í tækinu, í gegnum loft/loft varmaskipti og veita í staðinn inn fersku útilofti þannig að  heita inniloftið er orðið kalt þegar það er komið út og kalda útiloftið heitt þegar það er komið inn. Varmanýtnin er 85-90%.

Fundurinn verður haldin í Toppstöðinni við Rafstöðvarveg í Elliðaárdal og hefst kl. 20.00
Fundurinn er öllum opinn.