Tíu frumkvöðlar og fulltrúar fyrirtækja í nýsköpun miðla af reynslu
sinni og hátt í tuttugu aðilar úr stuðningsumhverfi nýsköpunar á
Íslandi kynna þjónustu sína á kynningarfundi á Grand hótel 26. maí.
Markmið kynningarinnar er að veita heildaryfirsýn og skapa umræðu um
stuðning við nýsköpun á Íslandi.
Nýsköpunarmiðstöð Íslands, Rannís, Samtök iðnaðarins og Útflutningsráð
ásamt Hátækni- og sprotavettvangi standa að fundinum í tilefni af
evrópsku fyrirtækjavikunni SME Week 2010 sem haldin er hátíðleg um alla
Evrópu dagana 25. maí - 1. júní.
Á fundinum verða tvær málstofur, annars vegar fyrir einstaklinga með
nýjar viðskiptahugmyndir og fyrirtæki í startholunum og hins vegar
fyrir þroskaðri sprotafyrirtæki og fyrirtæki í nýsköpun.
Dagskrá
8:45 - 9:15 Kynningarbásar opnaðir
9:15 - 9:40 Stuðningur við nýsköpun á Íslandi
9:40 - 11:00 Málstofur: Reynslusögur frumkvöðla og fyrirtækja
11:00 - 12:00 Aðilar kynna þjónustu sína í básum
Aðilar í básum: Nýsköpunarmiðstöð Íslands,
Útflutningsráð, Rannís, Samtök iðnaðarins, Innovit, Klak-
nýsköpunarmiðstöð atvinnulífsins, Hugmyndahús háskólanna,
Nýsköpunarsjóður atvinnulífsins, Frumtak, Einkaleyfastofa, Kauphöllin,
Hönnunarmiðstöð, Byggðastofnun, Toppstöðin, Vinnumálastofnun og Matís
Vinsamlegast tilkynnið þátttöku hér á vef Nýsköpunarmiðstöðvar Íslands