Torfusamtökin efna til borgarafundar í aðdraganda  borgarstjórnakosninga í Reykjavík,
fimmtudagskvöldið 13. maí kl. 20.00 í Iðnó.

Fulltrúum allra framboðslista til borgarstjórnarkosninga er boðið að 
gera grein fyrir afstöðu flokka sinna til húsverndarmála, m.a. svara 
spurningunni um  hvaða sess húsvernd á að hafa í aðalskipulagi 
Reykjavíkur?  Að framsögum loknum verður opnað fyrir umræður og 
spurningar.

Eftirtalin framboð hafa staðfest þátttöku á fundinum:

Samfylkingin: Hjálmar Sveinsson
Sjálfstæðisflokkur: Júlíus Vífill Ingvarsson
Vinstri hreyfingin - grænt framboð: Sóley Tómasdóttir
Besti flokkurinn: Páll Hjaltason

Fundarstjóri verður Eva María Jónsdóttir

Formaður Torfusamtakanna, Snorri Freyr Hilmarsson hefur gert glæsilega bók
er nefnist 101 Tækifæri og kemur út í vikunni. Bókin verður til sýnis og sölu á fundinum.

Í kynningu á bókinni segir m.a.  "Reykjavík á sér fallegan gamlan 
miðbæ sem er sögulegt hjarta borgarinnar.  Í máli og myndum er hér 
vakin athygli á þeim verðmætum sem þessi mikilvægi borgarhluti býr 
yfir og hvaða tækifæri eru í þeim fólgin. Að skoða hús er að skoða 
aldarspegil.  Sögulegt umhverfi er ómissandi fyrir mannlíf og 
menningu Reykjavíkur til framtíðar litið. Tíðarandinn 
hefur ekki alltaf verið reykvískum byggingararfi hagstæður.  Þau 
verðmæti sem í honum felast hafa ef til vill aldrei verið mikilvægari 
en nú, þegar fram fer endurmat á öllum gildum samfélagsins."