Barnamenningarhátíð í Reykjavík verður haldin vikuna 19. – 25. apríl.

Hátíðin fer fram víðsvegar um borgina; ofan í sundlaugum, uppi í Esjuhlíðum, á skólalóðum, á öldum ljósvakans og á götum úti.

Þema hátíðarinnar að þessu sinni verður forvitni og kennir ýmissa forvitnilegra grasa í dagskránni.

Hátíðin fjallar um menningu barna, menningu með börnum og menningu fyrir börn. Fátt er skemmtilegra en að taka þátt í að skapa fallega hluti eða efna til viðburða sem gleðja aðra. Við lærum að þekkja okkur sjálf og náungann ögn betur. Síðast en ekki síst færir listin okkur oft nýtt sjónarhorn á tilveruna og gerir okkur að þroskaðri einstaklingum. 

Fersk sýn barna á veruleikann í kringum sig veldur því raunar að þau standa mörgum fullorðnum listamönnum framar í listsköpun. Listaverk þeirra eru fersk, ný og full af gleði. 

Það er Höfuðborgarstofa sem skipuleggur Barnamenningarhátíð.

Þetta segir á vef Barnamenningarhátíðar