Gríðarlegur áhugi hefur verið á sýningu Steinunnar Sigurðardóttur hönnuðar en um fjögurþúsund manns hafa sótt Kjarvalsstaði frá opnun hennar 21. nóvember.

Næstkomandi laugardag 5. desember kl. 14 verður Steinunn á Kjarvalsstöðum og bíður gestum að ganga með sér um sýninguna. Hún ræðir feril sinn, efnistök og ráðandi áhrifavalda í hönnun sinni.

Gínurnar, sem sýna fatnað Steinunnar, eru endurgerðir af kunnustu fyrirsætum heims og skipta sköpum við framsetningu fatnaðarins. Látbragð þeirra er eðlilegt, svipbrigði blæbrigðarík og ekki laust við að það hvarfli að manni að þær vakni til lífsins á hverri stundu. Og hver veit nema að það gerist einmitt á laugardaginn þegar líða tekur á leiðsögn Steinunnar!

Aðgangur ókeypis og öllum opinn.

Þetta segir í fréttatilkynnngu frá Listasafni Reykjavíkur