Alþjóðleg
athafnavika hefst í yfir 100 löndum þann 16. nóvember nk. Allir Íslendingar, einstaklingar, hópar,
félagasamtök, skólar, fyrirtæki, sveitarfélög og stofnanir geta skipulagt
og skráð inn viðburði sem verða hluti af dagskrá vikunnar. Athafnavikan
byggist þannig upp á nokkurs konar grasrótarfrumkvæði og atorku
einstaklinga, sambærilegt við Menningarnótt þar sem allir geta
skipulagt viðburði.
Alþjóðleg athafnavika mun fara fram um land allt og
eru landsmenn hvattir til að bretta upp ermar og koma stórum sem smáum
verkefnum í framkvæmd.
Í vikunni verður lögð sérstök áhersla á fimm grunnþemu og verða
dagar vikunnar tileinkaðir hverju þema.
Í ár munu þemu vikunnar á
Íslandi verða:
- Athafnasemi kvenna,
- Opin nýsköpun,
- Íslenskir
grunnatvinnuvegir,
- Samfélagsleg nýsköpun og
- Skapandi iðnaður.
Skipuleggjendur Alþjóðlegrar athafnaviku munu jafnframt skipuleggja
nokkra lykilviðburði svo sem
Snilldarlausnir, hugmyndasamkeppni framhaldsskólanna, og
Athafnateygjuna
sem mæla mun hversu miklu Íslendingar koma í verk á einni viku.
Jafnframt mun vikan marka upphafið að frumkvöðlakeppni Innovit,
Gullegginu 2010.
Alþjóðleg athafnavika
