Styrktarfélagið gefur nú fyrir jólin út óróann „Grýlu” en hún er hluti af  „jólasveinaseríu” félagsins. Þetta er í þriðja sinn sem óróinn kemur út en óróarnir frá félaginu hafa síðustu þrjú ár prýtt jólatré Reykvíkinga, Oslóartréð.

Katrín Ólína Pétursdóttir og Hallgrímur Helgason leggja félaginu lið þetta árið, hann fæst við orðin en hún við stálið.

Katrín Ólína er einn af okkar fremstu hönnuðum. Hún starfar alþjóðlega á sviðum vöruhönnunar, myndlistar, tísku, textíls og innanhúsarkitektúrs og hefur vakið athygli fyrir einstakt myndmál og persónulegan stíl. Óróinn sem er túlkun Katrínar á Grýlu er mjög skemmtilegur að sjá og minnir um margt á þær persónur sem Katrín hefur skapað í sínu óviðjafnanlega myndmáli.