Auglýst er eftir hönnuðum til að koma með tillögur í vöruþróunarverkefni á vegum Hönnunarmiðstöðvar og Útflutningsráðs Íslands.
Markmið verkefnisins er að leiða saman fyrirtæki og hönnuði til að hanna og framleiða nýja vöru til útflutnings. Samstarfinu er ætlað að efla þátt hönnunar innan fyrirtækja með það að leiðarljósi að skapa ný tækifæri í útflutningi og innleiða sýn hönnunar við þróun á útflutningsvöru og þjónustu.
Búið er að velja 7 fyrirtæki til að taka þátt í verkefninu, en hvert fyrirtæki fær styrk sem nemur 550 þús. frá Útflutningsráði til að setja í hönnunarvinnuna en fyrirtækin leggja jafnháa upphæð á móti.
Hver hönnuður eða hönnunarteymi getur sent inn tillögur eða hugmyndir að verkefni til tveggja fyrirtækja. Óskað er eftir grófum tillögum, þar sem stuðst er við verklýsingar fyrirtækjanna. Tillögum skal skilað í lokuðu umslagi merktu dulnefni til Hönnunarmiðstöðvar Íslands, Aðalstræti 10, 101 Reykjavík, fyrir kl. 17.00, föstudaginn 19. desember 2008. Í aðalumslaginu skal vera annað lokað umslag merkt dulnefni en inni í því þarf rétt nafn hönnuðar, heimilisfang og sími að koma fram. Tillögum skal skilað útprentuðum á A4 blaði í lit (hámark 3 síður). Tillögur skulu einnig fylgja með á diski á pdf skjölum. Nánari lýsingu á verklagsreglum verkefnisins er að finna hér: Verklagsreglur Frá hönnun til útflutnings.
Vinsamlega sjáið verklýsingar og tengiliði fyrirtækjanna sem valin hafa verið, með því að smella á viðkomandi fyrirtæki:
Villimey
Fossadalur
Glófi
JS Gull
Flúrlampar
Saga Medica
Intelscan
Vefsíður fyrirtækjanna:
www.villimey.is , www.wish.is , www.glofi.is , www.jonogoskar.is , www.flurlampar.is , www.sagamedica.is , www.intelscan.is
• Fagráð velur saman fyrirtæki og hönnuði úr hópi umsækjenda í samráði við fyrirtækin
• Fagráð skipa:
Helga Viðarsdóttir, framkvæmdastjóri markaðssviðs 66° Norður.
Halla Helgadóttir, framkvæmdastjóri Hönnunarmiðstöðvar Íslands.
Hrafnkell Birgisson, Félagi vöru- og iðnhönnuða. 
