Þriðjudaginn 24. apríl gefst einstakt tækifæri til að hlýða á arkitektinn Stefan Marbach, einn aðaleiganda svissnesku arkitektastofunnar Herzog & de Meuron, flytja fyrirlestur og veita innsýn í valin verkefni.
Stofnendur stofunnar,
Jacques Herzog og
Pierre de Meuron, hlutu hin virtu Pritzker verðlaun árið 2001 en
Stefan Marbach hefur starfað með þeim í rúman aldarfjórðung og verið einn aðaleigandi stofunnar frá árinu 2009. Hann stýrir stórum og fjölbreyttum verkefnum í Sviss, Bretlandi, Frakklandi, Svíþjóð, Rússlandi, Japan og Kína. Meðal þekktra verkefna sem hann hefur leitt er Ólympíuleikvangurinn í Peking, Kína (2008) og Nýi íþróttaleikvangurinn í Bordeaux, Frakklandi (2015).
Stefan Marbach er hér á landi til þess að dæma lokaverkefni BA nemenda í arkitektúr við hönnunar- og arkitektúrdeild
Listaháskóla Íslands, sem stendur fyrir fyrirlestrinum í samstarfi við
Arkitektafélag Íslands, Hönnunarmiðstöð og
SAMARK.
Fyrirlesturinn verður í Norræna húsinu. Aðgangur er ókeypis og allir velkomnir.
Nánar um Herzog & de Meuron
hér.
Viðburður á Facebook