Á fyrirlestri SmallTalks í Hörpu, þriðjudaginn 24. janúar kl. 20:00, skyggnumst við inn í hugarheim Studio Granda, arkitektastofu Margrétar Harðardóttur og Steve Christer, sem vann á dögunum fyrstu verðlaun í samkeppni um nýbyggingu á Alþingisreit.
Fyrsta stóra verkefni stofunnar var hönnun
Ráðhúss Reykjavíkur en
Studio Granda var stofnað árið 1987 í kjölfar samkeppni um húsið. Síðan þá hefur stofan haft þó nokkur áhrif á hið byggða umhverfi höfuðborgarinnar því eftir hönnun Ráðhússins vann hún samkeppni um
Dómhús hæstaréttar, nýtt
Listasafn Reykjavíkur í Hafnarhúsinu og nú munu hún setja svip sinn á sjálfan
Alþingisreitinn.
Margrét Harðardóttir og Steve Christer.
Mynd: DV ehf / Sigtryggur Ari
Verkefni
Studio Granda hafa verið tilnefnd til virtra verðlauna á borð við
Mies van der Rohe og hlotið fjölda viðurkenninga.
Á fyrirlestrinum verður farið yfir nokkur viðfangsefni síðustu 30 ára og þau rædd frá sjónarhornum byggingarlistar, umhverfis, samfélags, menningar og skynjunar.
www.studiogranda.is
SmallTalks er fyrirlestraröð Hönnunarmiðstöðvar Íslands.
Fyrirlestrarnir fara fram í Kaldalóni, sal á fyrstu hæð í Hörpu.
Aðgangur er ókeypis og allir velkomnir.