Þriðjudaginn 15. apríl kl. 20.00 heldur svissneski arkitektinn Adrian Kramp fyrirlestur sem hann nefnir Simply Complex, þar sem hann fjallar um verk arkitektastofunnar Boegli Kramp Architekten. Fyrirlesturinn er í fyrirlestrarröð Hönnunar- og arkitektúrdeildar Listahákóla Íslands, GESTAGANGI í Þverholti 11, fyrirlestrarsal A.
Svissnenska arkitektastofan Boegli Kramp í Fribourg í Sviss var stofnuð af þeim Mattias Boegli og Adrian Kramp árið 2001 og hefur hún starfað óslitið síðan þá.
Vinna stofunnar einkennist af nákvæmri skoðun á staðnum, þar sem hið óvænta og óþekkta í umhverfinu er dregið fram í hönnunarferlinu. Þessi einkenni staðarins endurspeglast svo í arkitektúr sem er einfaldur og flókinn í senn.
Þeir hafa tekið þátt í fjölda samkeppna og sigrað í nokkrum þeirra sem hefur leitt til byggðra verka svo sem Menntaskóli í Payerne, Elliheimili í Läufelfingen, heimili fyrir fatlaða í Mollie-Margot, háskólabyggingar, íþróttahús og fleira. Öll eru verkin í Sviss.
Á borðum stofunnar í dag eru fjölbreytt verkefni svo sem fjölbýlishús í miðborg Fribourg, bygging héraðsdómstóls ásamt ýmsum breytinga- og endurbyggingarverkefnum.
Frá árinu 2007 hafa Mattias Boegli og Adrian Kramp verið fastráðnir kennarar í Arkitektur- og Verkfræðiskólanum í Fribourg. Þeir eru virkir í félagsstörfum svissneskra arkitekta og ásamt því að sitja reglulega í dómnefndum í arkitektasamkeppnum.
Fyrirlesturinn fer fram á ensku og eru allir velkomnir.
www.boeglikramp.ch