Guðmundur Oddur Magnússon prófessor í grafískri hönnun við Listaháskóla Íslands flytur fyrirlestur í Hönnunarsafni Íslands
miðvikudagskvöldið 14. nóvember kl. 20.
Fyrirlesturinn er haldinn í tilefni af yfirstandandi sýningu á verkum
Gísla B. Björnssonar í safninu.
Í fyrirlestrinum mun Goddur fjalla um fyrstu teiknarana okkar,
frumkvöðla grafískrar hönnunar á Íslandi og taka fyrir helstu verk
þeirra. Ferill Gísla B. Björnssonar verður sérstaklega tekinn fyrir en
hann hefur sleitulaust unnið að því allan sinn feril frá upphafi 7.
áratugar 20. aldar að gefa starfi grafísks hönnuðar svipmót og virðingu í
huga
almennings.
Hann hefur markað djúp spor á sinni starfstíð spor sem varða
fagurfræðilega, faglega, siðferðislega og félagslega mörkun
starfsgreinar sem við köllum í dag grafíska
hönnun. Fyrirbærið varðar tjáskipti, miðlun upplýsinga og þekkingar,
varðveislu hennar í formi myndmáls, ritmáls og tenginguna þar á milli.
Það varðar fjölmiðlun, ímyndasmíði og markaðssetningu.
Nánari upplýsingar um sýninguna minna finna
hér og í fræðsludagskrá og sýninguna á heimasíðu safnsins,
www.honnunarsafn.is.
Fyrirlesturinn hefst sem fyrr segir kl. 20 og er öllum opinn. Aðgangur er ókeypis og er áhugafólk um sögu íslenskrar hönnunar hvatt til að mæta!
Hönnunarsafn Íslands
Garðatorg 1
210 Garðabær
Opið alla daga nema mánudaga frá kl. 12 - 17.
Ókeypis aðgangur á miðvikudögum