Norræna Húsið í Reykjavík skipuleggur syrpu fyrirlestra veturinn 2011-2012 sem hafa það að markmiði að kynna nýja norræna byggingarlist.
Fyrirlestrarnir miðast við höfða til allra þeirra sem áhuga hafa á vandaðri byggingarlist og áhersla er lögð á að nálgast viðfangsefnið frá ýmsum sjónarhornum.
Á haustönninni mun Sigríður Sigþórsdóttir arkitekt frá Basalt arkitektum ríða á vaðið þann 1.september með innsýn í meðal annars sundlaugina á Hofsósi sem vígð var fyrir ári síðan, Bláa Lónið og Lækningalind auk verkefnis sem er á teikniborðinu, 6.október mun Signe Kongebro deildarstjóri þróunardeildar um vistvænar lausnir frá Henning Larsen Architects í Kaupmannahöfn kynna ný verkefni sem tengjast vistvænni nálgun í nútímabyggingum, en þau unnu nýverið samkeppni um nýjar höfuðstöðvar Siemens í München, og 17.nóvember segir Sigurður Einarsson frá Batteríinu arkitektum frá hugmyndafræði og mótun Hörpu tónlistar- og ráðstefnuhúss sem opnað var formlega á menningarnótt síðastliðinni.
Allir fyrirlestrar eru í aðalsal Norræna Hússins og hefjast klukkan 20.
Aðgangur að fyrirlestrunum er ókeypis og allir eru velkomnir.
Sundlaug Hofsósi | Basalt arkitektar
Höfuðstöðvar Siemens í Munchen | Henning Larsen Architects
Harpa tónlistar- og ráðstefnuhús | Batteríið arkitektar