Fyrirlestur í Opna Listaháskólanum föstudaginn 19. nóvember kl 12:05 í Skipholti 1, stofu 113.
TERRITORIAL AGENCY
ARKITEKTÚR: Á MÓTUM STJÓRNARFARS OG RÝMIS
Hverjar eru boðleiðir umdæma og íbúa í nútímasamfélagi? Hvernig má skilja þær þýðingamiklu breytingar sem orðið hafa á viðhorfum til hugmynda um borgarann og borgararéttinda með greiningu á stöðu yfirráðasvæða og landa, stórborgarþenslu, og almennrar borgarvæðingar?
Með örri nútímavæðingu, virðist viss ófyrirsjáanleiki vera æ veigameiri þáttur í menningunni. Ef móderníski tíminn gerði okkur kleift að sviðsetja og aðgreina mismunandi atburðarrásir, þá skapar ör þróun sérfræðiþekkingar og þær margföldu framtíðarsýnir sem þar birtast, ástand sem erfitt er að stýra og jafnvel að greina. Atburðarrás og þróun nútímasamfélags er fjölþætt, háð fjölmörgum áhrifaþáttum nær og fjær. Til að svara þessu þarf umhverfi samtímans að búa yfir ákveðinni dínamík og menningarlegum hreyfanleika.
Territorial Agency er sjálfstætt starfandi vinnu- og rannsóknarstofa sem stuðlar að sjálfbærri þróun landsvæða með samþættingu arkitektúrs og borgarmótunar. Markmið er að efla getu og samtal nær og fjær samfélaga, í staðbundnu sem og alþjóðlegu samhengi, til samvinnu að heildrænni rýmismótun umhverfisins.
Territorial Agency vinnur að uppbygginginu og þróun verkfæra og aðferða til að tryggja betri arkitektónísk og skipulagsleg gæði við mótun umhverfisins. Forsenda þeirrar vinnu er að byggja á samvinnu öflugra tengslaneta. Samvinna sem inniber greiningu og verkefnavinnu, auk þess að kynna og framkvæma hugmyndir.
John Palmesino og Ann-Sofi Rönnskog eru arkitektar og borgarfræðingar. Þau kenna við Architectural Association, School of Architecture í London. John er leiðbeinandi að rannsóknarverkefnum við Hönnunardeild Jan Van Eyck Academie í Maastricht. Hann vinnur að doktorsverkefni við Research Architecture Centre í Goldsmiths í London ásamt því að kenna þar. Hann er meðstofnandi alþjóðega rannsóknarhópsins Multiplicity. Ann-Sofi stundaði áður rannsóknir við ETH Studio Basel og lærði í Helsinki, Kaupmannahöfn og Zurich.
Fyrirlesturinn fer fram á ensku og eru allir velkomnir