Upplýsingar fyrir þátttakendur í HönnunarMars 2012

Samfélagsmiðlar og kynning viðburða

Facebook

Twitter

  • Opinbert Hashtag fyrir HönnunarMars er #DesignMarch Endilega látið það fylgja í öllu sem þið gerið á Twitter. Það birtist þá sjálfkrafa á honnunarmars.is og í farsíma App hátíðarinnar.

Foursquare

  • Smáforrit hátíðarinnar (App fyrir farsíma) styðst við foursquare.com. Þátttakendur eru hvattir til að skrá staðsetningar sínar í Foursquare. Það er einfalt að búa til stað og gerir gestum kleift að skrá sig inn í smáforritinu.

   

LIVE PROJECT | HönnunarMars 22. - 25. mars 2012

HönnunarMars með ykkar augum
Deilið gleðinni!
 
Live Project er rauntíma myndbrota- og ljósmynda streymi þar sem öllum er kleift að deila sinni upplifun í beinni útsendingu. Verkefnið gerir fólki um allan heim mögulegt að upplifa stemmningu hátíðarinnar í beinni útsendingu, með myndskeiðum og ljósmyndum skotnum af öllum þeim sem hana sækja.

Hugmyndin að baki Live Project er sáraeinföld. Að fanga og skrásetja stemmningu viðburðar sem af sér leiðir hráa, óklippta og skemmtilega útgáfu sem er gerð af þér, og stundum þúsundum annarra.

Útsendingin hefst þann 20. mars á vefsíðu HönnunarMars: Þú getur tekið þátt í gegnum HönnunarMars app-ið eða náð í Live Project app-ið á vefsíðunni okkar www.liveproject.me. Android App Live Project gerir ferlið að taka og deila myndbrotum og ljósmyndum afar einfalt og á allra færi, sem og fylgjast með hvað aðrir eru að gera.

LiveProject.me - made by you

Live Project er stoltur opinber samstarfsaðili HönnunarMars.

  

Heimboð | HönnunarMars

Nú stendur yfir vorátak Inspired by Iceland. Unnið verður með tvö þemu að þessu sinni. Annars vegar hefur verið unnið með íslenska matargerð í tengslum við Food & Fun hátíðina, en framundan er vinna með íslenska hönnun í tenglum við HönnunarMars.

Smíðað hefur verið lítið hús sem nefnt hefur verið Eldhús og hefur það verið flutt um landið og ferðamönnum og fjölmiðlamönnum boðið að snæða þar veislumat sem framreiddur hefur verið af íslenskum og erlendum matreiðslumönnum. Samhliða þessu hafa Íslendingar verið hvattir til þess að bjóða ferðamönnum heim í sitt eldhús til að gefa ferðamönnum persónuleg kynni af landi og þjóð.

Í kringum HönnunarMars verður húsinu umbreytt og það endurskapað sem lítil hönnunarstofa. Húsið mun áfram ferðast um landið en að þessu sinni heimsækja hönnuði og hönnunarstofur.

Samhliða þessu viljum við hvetja íslenska hönnuði til þess að skrá heimboð og bjóða ferðamönnum í heimsókn á vinnustofur sínar og gefa þeim kost á að mynda persónuleg tengsl við Ísland. Heimboðin og sagan af húsinu verða notuð til þess að framleiða margmiðlunarefni fyrir bæði samfélagsmiðla og fjölmiðla, ásamt því sem erlendir blaðamenn verður boðið til landsins í tengslum við verkefnið.

Heimboð Íslendinga síðastliðið haust vöktu mikil viðbrögð hjá ferðamönnum, og nutu mikillar athygli erlendra fjölmiðla. Alls voru heimboðin til umfjöllunar í 57 löndum, og hafði rúmlega milljarður manna aðgang að umfjöllun um heimboðin á sínum heimamarkaði.

Hægt er að skrá sig fyrir heimboðum á síðu Inspired by Iceland: http://invitations.inspiredbyiceland.com

Við vonumst til að sem flest ykkar sjá sér fært að taka þátt.
 
Kveðja,
Starfsfólk Inspired by Iceland

  

Ljósmyndun viðburða

Karna og Viktor hjá glamour.is, sem gerðu HönnunarMars góð skil í fyrra á bloggi Hönnunarmiðstöðvar bjóða uppá myndatöku í ár fyrir hönnuði. Boðið er uppá 15 myndir í net- og prentupplausn til notkunar á 50.000 kr. Geta þarf glamour.is sem höfundar. Áhugasamir hafi samband við Körnu hjá Glamour, karna@glamour.is