DesignMatch 2010
Hönnunarmiðstöð Íslands og Norræna húsið standa í sameiningu
fyrir verkefni á HönnunarMars sem hlotið hefur nafnið DesignMatch.
Íslenskum hönnuðum gefst þar tækifæri á að hitta norræna
kaupendur, framleiðendur og seljendur hönnunar í þeim tilgangi að kynna fyrir
þeim verk sín. Markmiðið er að skapa íslenskri hönnun brautargengi á einum
mikilvægasta markaði Íslands, Norðurlöndunum.
Þeir hönnuðir sem hafa áhuga á að hitta kaupendurna útbúa
kynningarefni um sig á ensku með því að fylla út sérstakt
eyðublað sem hlaða má niður hér. Eyðublaðið er sent útfyllt til
Hönnunarmiðstöðvarinnar á rafrænu formi.
Kaupendunum, sem hafa verið valdir og hægt er að kynna sér
hér að neðan, er svo sent kynningarefnið og þeir velja þá hönnuði sem þeir
hafa áhuga á að hitta þegar þeir koma til Íslands. Verið er að ganga frá aðkomu fleiri fyrirtækja sem bætast á kaupendalistann hér að neðan innan skamms.
Þátttökueyðublöðum skal skilað eigi síðar en fimmtudaginn 11. mars nk.
DesignMatch fer svo fram í Norræna húsinu laugardaginn 20.
mars.
Áhersla í þessum fyrsta DesignMatch
er lögð á vörur, húsgögn og fylgihluti eins og sjá má á þeim fyrirtækjum sem taka
þátt.
Svona er ferlið:
- Þú hleður
niður eyðublaðinu.
- Þú fyllir
eyðublaðið út á sem vandaðasta máta og skýrir það eydublad_designmatch_(nafn vöru).
- Þú sendir
pdf útgáfu af útfylltu eyðublaðinu á info@honnunarmidstod.is
- Þú bíður
átekta og gerir hring utan um 20. mars í dagbókinni þinni.
Umsjón með DesignMatch er í höndum Eddu Kristínar Sigurjónsdóttur:
Fyrirtæki í DesignMatch:
Normann Copenhagen
Muuto