Epal, Skeifan 6, 108 Reykjavík  
18.03 - 21.03   

Epal er 35 ára á þessu ári. Frá byrjun hefur leiðarljós okkar verið að kynna og auka skilning á og virðingu fyrir góðri hönnun. Glæsileg hönnun þekktra meistara á Norðurlöndum og víðar úr Evrópu, að ógleymdum verkum íslenskra hönnuða, hefur hlotið veglegan sess í Epal, hvort sem um er að ræða húsgögn, ljós, gluggatjaldaefni, gjafavöru eða margvíslega nytjahluti fyrir heimilið.  

Á HönnunarMars 2010 mun Epal sýna verk úr íslensku lerki og birki, hluti sem prýða frímerki Íslandspósts og margt fleira tengt nýrri íslenskri hönnun eftirtalinna aðila: Chuck Mack, Erla Sólveig Óskarsdóttir, Sigurður Gústafsson, Guðrún Margrét og Oddgeir, Katrín Ólína Pétursdóttir, Jón Björnsson, Hanna Jónsdóttir, Ingibjörg Hanna Bjarnadóttir, Karna Jónsdóttir, Garðar Eyjólfsson, Dögg Guðmundsdóttir, Manfreð Vilhjálmsson, Þórdís Helgadóttir, Hugdetta e.h.f, Stefán Pétur, Fjönir Hlynsson, Anna Þórunn, Steinunn Vala, Preggioni, Signý Kolbeinsdóttir, Heima, Dieter Roth, Kúltúr og Kaos, Secret North, Arkís.