Þjóðminjasafn Íslands, Suðurgata 41, 101 Reykjavík
18.03 - 21.03
11:00 - 17:00

 

Hönnuðir Textílfélagsins sýna verk sín á Kaffitári á Þjóðminjasafni Íslands.

Boðið verður upp á kaffitár föstudaginn 19. mars kl. 14:00 - 15:00

Einlæg útsaumsverk Guðrúnar Guðmundsdóttur, sem sýnir í Bogasal safnsins, og textílverk úr fórum safnsins gáfu þátttakendum tóninn. Sjónir hönnuðanna beindust að kaffihúsinu og notagildi sýningargripana, en þar er meðal annars að finna hljóðdempara, gardínur, snaga, dúka, diskamottur, stóla, pullur og púða.  

Textílfélagið er 35 ára en rætur þráðlistar liggja djúpt í íslenskri menningu. Öld fram af öld hafa Íslendingar unnið með þráð og voð. Tímarnir hafa breyst frá því að lífsnauðsynlegt var að kunna til verka við þráðagerð, vefnað og prjón. Handverkið hefur þó lifað með þjóðinni og í dag byggja textílhönnuðir á hefðinni með fjölbreyttum aðferðum og efnum. Neyðin kenndi naktri konu að spinna fyrr á öldum, en í dag er það sköpunarþörfin og forvitnin sem hvetur hana áfram.  

Afrakstur hulsugerðar utan um heit götumál Kaffitárs verður einnig til sýnis og ber hann fjölskrúðugum meðlimahópi Textílfélagsins vitni. Sjá nánar á www.tex.is.