Alþingisgarðurinn
21.03
14:00-15:30  

Í miðbæ Reykjavíkur má finna nokkrar perlur íslensks landslagsarkitektúrs, staðir sem voru hannaðir fyrir meira en öld og eru í dag órjúfanlegur hluti af mannlífi borgarinnar. Má þar nefna Fógetagarðinn, Austurvöll og Hressógarðinn.

Einar E. Sæmundsen landslagsarkitekt mun rekja sögu þeirra og tilurð í ljúfri göngu sem hefst í Alþingisgarðinum kl. 14:00. Það er við hæfi að hefja gönguna þar en sá garður er einn elsti varðveitti garður landsins, hannaður 1894.