26.07 | 27.03 | 28.03 | 29.03 kl. 8:30 - 20:30 | Háskólatorg, Háskóli Íslands, 101 Reykjavík
Í HönnunarMars mun Einar Birgisson landslagsarkitekt hjá Landmótun gefa
innsýn í eitt af nýrri verkum sínum - mósaíklagða tjörn við Norðurbakka
í Hafnarfirði. Tjörninni er ætlað að draga fram tengsl svæðisins við
hafið, þar sem fígúratív myndgerð höfundar skapar skemmtilegan en þó
óræðan ævintýraheim sjávarins. Í myndsköpun höfundar ægir saman fólki,
fiskum, dýrum og fuglum í einni allsherjar óreiðu, hvað innan um annað
svo úr verður skemmtileg heild. Augað fer af stað og reynir að setja
saman óreiðuna og reyna að sjá og skilja hvað fyrir augu ber. Myndin
gleður því bæði auga og snertir við huga þess sem skoðar. Myndin er ein
heild ekki endurtekið mynstur aftur og aftur. Þrjár brýr eru yfir
tjörnina og gerir hönnuður ráð fyrir því að þær spili saman með
myndinni því þær eru óreglulegar í laginu og sækja formið í Pétursskip.
Tjörnin er unnin í samstarfi við Hafnarfjarðabæ, Atafl og fleiri aðila.
Uppsetningu tjarnarinnar á Norðurbakka verður lokið sumarið 2009.
Sýningin á Háskólatorgi er opin frá klukkan 8.30 til 20.30 frá 26. til 30.mars. Líttu við og upplifðu ævintýrið með okkur!
Nánari upplýsingar í síma 840 47 85
